Selian Lutheran Hospital
1/5.0 - Imepata 0 Maoni
Huduma za Kliniki ya Nje (Outpatient Services)
Hospitali ya Selian inatoa huduma kwa wagonjwa wa nje kupitia kliniki mbalimbali za kila siku. Hizi ni pamoja na matibabu ya magonjwa ya kawaida kama malaria, kisukari, shinikizo la damu, magonjwa ya macho, masikio, koo, meno, na magonjwa ya ngozi. Wagonjwa hupokelewa, kuchunguzwa, kupewa vipimo na kutibiwa siku hiyo hiyo bila kulazwa.
Huduma za Wagonjwa wa Ndani (Inpatient Services)
Kwa wagonjwa wanaohitaji uangalizi wa muda mrefu au matibabu maalum, Selian Lutheran Hospital ina vyumba vya kulaza wagonjwa wenye hali tofauti – akina mama wajawazito, watoto, wanaohitaji upasuaji, na wagonjwa mahututi. Wodi hizo zimegawanywa kulingana na jinsia na hali ya mgonjwa.
Huduma za Maabara na Uchunguzi
Hospitali hii ina maabara yenye vifaa vya kisasa vinavyotumika kufanya vipimo mbalimbali vya damu, mkojo, kinyesi, na vimelea vya magonjwa mbalimbali. Aidha, Selian Lutheran Hospital inatoa huduma za uchunguzi wa X-ray, Ultrasound, ECG, na vipimo vya saratani na magonjwa sugu.
Huduma za Afya ya Mama na Mtoto
Huduma za kliniki kwa akina mama wajawazito, kliniki ya watoto wachanga, chanjo, huduma za uzazi wa mpango, na huduma za kujifungua.
Huduma za Upasuaji
Selian Lutheran Hospital ina madaktari bingwa na vifaa vya upasuaji kwa ajili ya upasuaji wa dharura na wa kawaida. Huduma hizi zinajumuisha upasuaji wa tumbo, mifupa, magonjwa ya uzazi, na upasuaji wa watoto
Huduma ya Maduka ya Dawa (Pharmacy)
Hospitali ina duka lake la dawa lililosajiliwa na serikali, likiwa na dawa muhimu zilizothibitishwa kwa matumizi ya binadamu.
Huduma za Dharura na Ambulansi
Kuna huduma ya dharura inayopatikana saa 24 kwa ajili ya ajali, magonjwa ya ghafla, au kujifungua kwa dharura. Aidha, hospitali ina huduma ya ambulansi inayoweza kuwafuata wagonjwa waliopo mbali au kuwapeleka katika vituo vingine vya rufaa kama inahitajika.
Mafunzo ya Wataalamu wa Afya
Selian Lutheran Hospital pia hushirikiana na taasisi mbalimbali kutoa mafunzo ya vitendo kwa wanafunzi wa uuguzi, udaktari, maabara, na huduma za afya ya jamii.
Huduma kwa Jamii na Uhamasishaji
Hospital hutoa huduma vijijini kwa ajili ya uchunguzi, matibabu na elimu ya afya. Huduma hizi hutolewa kwa ushirikiano na makanisa, serikali za mitaa na mashirika ya misaada
Selian Lutheran Hospital
Selian Lutheran Hospital ni hospitali ya rufaa iliyopo mkoani Arusha, Tanzania. Hospitali hii inaendeshwa kwa ushirikiano kati ya Kanisa la Kiinjili la Kilutheri Tanzania (KKKT) – Dayosisi ya Kaskazini Kati, na washirika wa maendeleo wa kimataifa. Lengo lake ni kutoa huduma za afya zenye ubora kwa jamii, hasa watu wa kipato cha chini, maeneo ya vijijini, na walioko pembezoni. Selian pia ni hospitali ya mafunzo kwa wahudumu wa afya
Tovuti
https://selianlh.or.tz/
Barua pepe
[email protected]
Simu
+255 767885690